أسئلة جداً مهمة مع أنها بحاجة لمصداقية ؟! هل أنت مستعد ؟؟

[size=24]س1 : هل أنت مع الصداقة بين الجنسين ؟!

س2: ما هي ردة فعلك لو رأيت أختك مع شاب في مكان ما ؟!

س3 : لو كنت مع فكيف توفق بين رأيك وبين قول الله ( قل للمؤمنين يغضوا من أبصارهم ) ( وقل للمؤمنات يغضضن من أبصارهن )

س4: هل زنت اجابتك على ميزان الشريعة الاسلامية ؟![/size]

كما أرجو من مسؤول المتتدى أن يتفضل بتثبيت الموضوع لأهميته مع جزيل الشكر له

ممكن حضرتك تعطينا رأيك بالأول ؟؟

لأنو أنت من الأولى تجاوب وتعطي قناعتك عن الموضوع اللي كاتبو .

مع الــــشــــــكر . ورح جاوب من بعدك.

شكرا على مرورك أخي more7777777
ورأي بصراحة وبكلمات مختصرة : لا صداقة بين شاب وفتاة إلا إذا تصادق البنزين مع النار

وإني لو رأيت أختي مع شاب بصفة صديق لها نصحتها بالحكمة والموعظة الحسنة
وطبعا رأيي مستنبط من ميزان الشريعة الغراء

alsaada_tareek كتب:: شكرا على مرورك أخي more7777777
ورأي بصراحة وبكلمات مختصرة : لا صداقة بين شاب وفتاة إلا إذا تصادق البنزين مع النار
أي بس أخي الكريم : أنت منوين جايب هالقناعة ؟؟
نار وبنزين = صداقة شاب وفتاة
ليش بئى ...أنا بشوف أنو الدنية ما فيها أبض عالحل ولا أسود عالحل
ممكن كتير يكون في صداقة .
و وئت تتحول مع الأيام لشي تاني هالصداقة ؟؟فهاد ذنب التنين مو ذنب الصداقة.
وإني لو رأيت أختي مع شاب بصفة صديق لها نصحتها بالحكمة والموعظة الحسنة
وطبعا رأيي مستنبط من ميزان الشريعة الغراء

وأنا أو أنت أو غيرنا : ماحدى رح يشوف أختو هيك من ئلب الدنية مع حدى

بيكون الشغلة الها معطيات ودلائل ؟؟
يعني بس اتنين ؟؟ولو بمكان عام شي مو منيح كتير بس ازا أصحاب دراسة أو جيران أو ؟؟
فممكن - وأنا ما عمبشجع الصداقة ولا عمدافع عنها ولا عمحاربها
فكرتي أنو كل شي بالحياة ممكن والدنية بتتغير بين جيل وجيل .

أولاً : يا محمود بدنا نرحب فيك ... لأن ما صحتلنا فرصة للترحيب فيك يا خي

تانياً : كل الشكر الك يا محمود على طرح هاد الموضوع الحيوي والخطير والمهم من وجهة نظري الشخصية طبعاً .

ثالثاً : أنا رح قلك أجوبتي بكل مصداقية وصراحة ...

س1 : هل انت مع الصداقة بين الجنسين ؟

الجواب : طبعاً لا

أنا وأعوذ بالله من قولة أنا نهائياً ضد فكرة إنو الشاب يكون عندو جيرل فريند ...Girl Friend

السبب : إنها أول خطوة من خطوات الشيطان ... ما اختلى رجل بإمرآة إلا والشيطان ثالثهم

قد يقول قائل ... انت ليش هيك عم تفكر أو هيك عم تقول ؟؟؟

أو ... قد يقول قائل ... والله هي حسب ترباية الشاب أو البنت وأخلاقه !!!

وقد يقول قائل أيضاً ... الصداقة بين الجنسين بحكم الدراسة أو العمل !!!

بتعرف يا محمود انت فتحت باب للمناقشة بحر وااااااااااااااااسع من الجدال بس حلو هالنقاش

أخوي انا متل ما قلتلك بالأول ضد المبدا لأنه أنا كوني مسلم ماشي على تعاليم ديني وديني الحنيف حرّم علي متل هي الصداقات

وهكذا يجب على كل المسلمين

س2 : ما هي ردة فعلك لو رأيت أختك مع شاب في مكان عام ؟

الجواب : كالتالي ... رح شوف شو الموضوع وإذا هن الإتنين بيحبو بعض وهادا الشاب عندو النية ليخطب أختي بالفعل وما عم يضحك عليها رح جيبوا لعندي عالبيت وخليه يخطبها رسمي ويطلعو مع بعض عادي بس بالأول يكون في شي رسمي ويكون أمام أعيننا حتى كمان ما يقعو بالخلوة ويصير مالا يحمد عقباه

وإذا كان عم يتسلى رح أمنعها يعني بإسلوب ديموقراطي خليها هي يللي ترفض تطلع معو

س3: ما الو لازمة ... لان الإجابة بالسؤال الأول ... كانت لا

س4: هل زنت إجابتك على ميزان الشريعة الإسلامية ؟

الجواب : بالتأكيد

تحياتي

وشكراً إلك مرة تانية وأهلا وسهلا فيك معنا في بيتك ومنزلك الجديد منزل حياة الروح الكريم

بسم الله

السلام عليكم أخي العزيز والغالي اللاذقية85
بارك الله فيك على هذا الترحيب الكبير بي وهذا من طيب أصلك وكريم أخلاقك
صدقني لا أعرف ماذا أزيد على كلامك فإنك قد أوجزت وأجدت وما قلت إلا خيرا
لا يسعني إلا أن أقول : أخي انظر إلى كل ممارسة زنا كيف بدأت وما هي أسبابها
إنك لتجد الإجابة سببها أول خطوة من خطوات الشيطان ألا وهي أكذوبة الصداقة بين الجنسين
ومع كامل تحياتي وتقديري لأخي more7777777