المهم و الأهم في الجنس

زائر

السلام عليكم و رحمة الله و بركاته

أنا ما حأعمل حالي فهيم على يلي كتب مواضيع قبلي بالعكس أنا حبيت الموضوعين بس أنتوا يا جامعة ما عم تطرقوا للأمور الأهم, عم تحكوا عن الموضة و ليلة الزفاف الأولى, بس حكيتوا عن شو بفكروا الشباب بين عمر الـ16 و الـ20 تقريبا, أكتر من 50% من تفكير الشباب و البنات هو عن الجنس و في شباب كتير عم اتوصل معهم الشغلة ليدفعوا مصاري للمارسة الجنس ببيوت الدعارة المنتشرة بهل الإيام, و البنات ما عم اتقصر كمان أول شب كمشلها ايدها و قدر يضحك عليها بكلمتين بتنجر معو و بوصلوا عالأغلب للزنا (أنا ما عم اشمل الشباب و البنات كلهم بعضهم أو كثير منهم يرتكب الزنا) لازم يكون في توعية بين الأهل و أولادهم بهاد العمر لأنو مجتمعنا العربي نحنا بيخجل الابن يحكي مع أهلو بهيك شغلات و الأهل نفس الشي و البنت كمان يعني الابن و البنت مو بس بيخجلوا بخافوا كمان الناس مفكرين حالهم ضابطين أولادهم و أنو أولادهم حتخاف من الحرام بس المغريات كتيرة هالإيام و" النفس رغابة بالسوء".بقا يا ريت اتكون في توعية بين الأهل و أولادهم لأنو أنا بظن هي أحسن طريقة لمحاربة الحرام (الزنا), و يمكن ما تقتصر الشغلة عالحرام بس ممكن اتوصل للأمراض بالأعضاء التناسلية و الأخطر و هو مرض نقص المناعة المكتسب (الايدز) و حتى ممكن أنو البنت تحمل و هاد شي أخطر اجتماعيا و معنويا و نفسيا عالبنت و أهلها و حتى عالطفل كمان,يقا ياريت أنو اتوعوا أولادكم و إذا ما عنكم أولاد قولوا ليلي عندهم أولاد هالحكي و السلام عليكم و رحمة الله.
انتهى

بتعرف يا حبيبنا ...؟

بصراحة رح أحكي عني بشكل خاص..أنا مالي جامعة ؟؟

و يا ريتني كنت ؟؟ يعني هية مو تهمة لحتى أنا أنكرها

بس مشان تعرف أنو أنا عادي..كتير مو شوي ..

بس وقت بدي أحكي بهيك موضوع حساس؟؟ مالازم أحكي رأيي وبس

لهيك أخترت مبدئياً موضوعي من كتاب و ذكرت المصدر مشان اللي بيحب

يكمل معلوماته... ؟؟؟؟ هي بين أيديه اسم الكتاب واسم الكاتب

و حكيك هاد على عيني وراسي بين الــ16 و الــ20

ياريت اتضيف لمعلوماتك أنو بين الــ 9-10-14-----------

وأنت طالع ؟؟؟ اذا هلق بتمشي بالشارع ..بوقت المدارس بتشوف بنات

لسة لا الهن ؟؟؟؟ ولا ؟؟؟ و يا دوب بس مبينة من مشيتها

أو شعرها الطويل انها بنت..بتلاقيها مصاحبة و أحياناً شبين واحد ماشي

عاليمين والتاني عاليسار ؟؟و الشباب على أحلى لسة ؟

بيكون عم يتدين حق الباكيت ؟؟ و بتلاقيه ممممممم الله أعلم شو عم يساوي...هلق مالح أقعد أحكي بس كل شي بيأثر ... الأهل الله يعينهن

شو بدهن يلحقوا ابنن ولا بنتن لعند الاصدقاء؟

قد ما ساعدوهن ؟؟ ما بيمشي الحال..

المغريات بكل مكان بالاعلانات بالطريق

بالموبايلات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صار فلم الــ الجنس ؟؟ الخااااااااااااااطئ أهون من الهييين

الحصول عليه ... بقى بتبقى مخافة الله هية الرادع

للي بدو يرتدع.. وفي ناس بتغلط وبتوب؟؟

وفي ناس بتدور عالمعصية ؟؟؟ بايديها و سنانها ؟؟
..............................................

وشغلة دووووووووووووووووووووخة
بشكرك على لفت الانتباه ؟؟؟

مقالة رائعة ومهمة يزن جد بتشكرك
بس ياخي المشكلة الصايرة انو في حاجز بين الاهل وبين الاولاد من ناحية الجنس
يعني مثلا هالايام الشب بيعرف قد ابوه وامه ههههههههههه مرتين
ومارح قلك انو هالشب تعلم طرق الجنس من العادات والتقاليد لاء
بس ماشالله بفضل الرفقة وبفض الستالايت وبفضل الانترنت
صرنا منعرف نشرح جسد الانثى او الرجل
يعني المهم والاهم كسر الحاجز بين الاهل والاولاد
لانو الاهل بيظنوا انو النهم او بنتهم قطة مغمضة
بس لو يعرفوا شو عندهم خبرة بهالمجال
كانت فيوزاتهم ولعت
شكرا لك يزن
وتقبل مروري

زائر

شكرا الكم أخي نضال و أخي أمجد ............. عالرد و أنا معكم بكل شي حكيتوا 100%

موضوع جدا رائع في غاية الأهمية

شكرا الك على الموضوع الرائع

زائر

شكرا الك أخي فتى الشام

شكرا كتير الك اخ يزن

يلي قلتو فعلا واقعي ومنتشر كتير بالوسط يلي عايشينو

وللاسف قلة الوعي بهيك امور هي يلي خلت الشباب والبنات يسلكو سلوك تاني

اما مشكلة كسر الحواجز بين الاولاد والاهل ؟؟ مممممم فأظن هالشي صعب كتير

بس طبعا مو كل الاهل - في نسبه من الاهل المتفهمين يلي بوعو اولادهم
ولكن الامثله هذه نادره

المفروض التوعيه الجنسيه لازم تكون موجوده ويمكن حتى بالمدارس في المراحل المتقدمه

وخاصة بالزمن هاد يلي صار كل شي عادي

ناس بتقول اي نحن ماعنا دش فيه قمر اوربي يلي بطالع هيك شغلات ؟؟

بس انا بقلكم حتى الاقمار العربيه والافلام العربيه والمصريه صارت ممزوجه بالجنس

الشب او بالبنت بتشوف المقاطع يلي بتطلع بفلم عربي

بصير عندهم فضول للتجربه بدون وعي وهالشي يلي عم يدمرنا

تحياتي الك

تقبل مروري

زائر

شكرا الك عالرد خيي نسر الرومنسية .............. شكرا كتير الك

موضوع: رد الجمعة مايو 02, 2008 1:51 pm

شكرا كتير على هالموضوع المهم بس الاهم منو انو الكل واعي والكل عرفان اللي حكيتوا انتو

وفي اللي اهم منو انو كل واحد منا مو يكتفي بطرح موضوع الناس تفوت تقرا وتقللو شكرا وخلص
الاهم انو نشوف بواقعنا مين الغلط ونحاول نصلحوا ندور عالاشخاص اللي بحاجة لتوعية
الناس اللي بعدن عايشين مرارة الجهل لانو اي شخص بيوصل للموضوع فهو حتما انسان قادر انو
يميز الصح من الغلط بالحياة وانسان على درجة من الثقافة بتاهلوا انو يكون واعي لهيك شي
انا برايي انو المواضيع اللي بتنطرح لازم نحاول نشرحا عالناس اللي مو قادرة توصل لهون
وشكرا الكن جميعا مع كل الحب والوفاء اخوكن ابو ملهم
اللهم استر اعراضنا واعراض المسلمين اجمعين واحفظنا من الشر والفاحشة واهلها يا ارحم الراحمين
Mad

زائر

شكرا أبو ملهم الك كتير و يسلموا عالرد

السلام وعليكم
شكرااا على هاد الوضوع الجميل
صحيح يلي قلته يجب توعيت الاطفال والبنات
ووكسر حاجز الخجل بين الاب والابناء طبعا في حدودها
الطبيعيه بس متل ماتفضل اسد العرب انو الولد بعرف قد ااهلو ومرتين
وكما تفضلت انو المغريات كبير براي الحل واضح جداااا من اجل المغريات
وهوه التربيه الصحيحه على اسسس الدين وليس تعصب بالدين هكذا نقضي على كل اشكال
المغريات ونحافظ على ابناءنا من الضياع بالمعاصي لقدره الله وتحياتي لك تقبل مروري.

زائر

شكرا لك سارة مرورك عطّر و أنار صفحتي رد حميل جدا و رأيك أكيد صح 100% و شكرا الك على الرد .......................العراب