يا ميسر يارب هاتو لنشوف شو عندكن

يا جماعة الخير
انا شب عمري 25 سنة
الطول 198
الوزن 78
الدين : مسلم سني
بشتغل بمعرض سيارت مستلم المعرض من الباب للمحراب من عدا المصاري لانو المعرض لخالي
وبشتغل بمكتب من مكاتب الهلال الاحمر صباحا تننسيق جداول ومسؤول عن عيلتي بشكل كامل
الوالد مريض واخوة عندي واحد صغير بس والباقي بنات (( الله يستر على اعراض المسلمين اجمعين ))
يعني انا مو ممكن انعزل عن عيلتي ابدا
الوضع المادي : مكتفي ((الحمد لله ))
والطلب :
مسلمة متدينة جدا متفهمة لوضعي ترضى الحياة بين اهلي ما بيهم المستوى التعليمي
ولا الجمالي
مستوايي التعليمي : اعدادي
وتحط بالحسبان ما يلي :
عقليتي متحجرة ومتعصب ورجعي والحضارة ما بعرف منا غييرا لاسم بس والتطور العلمي يعني طلعات فوتات مدري شو ما عندي لعند اهلا منروح سوا ومنرجع سوا واذا بدا تطلع برا البيت لازم باذني وكون معا
وترضى بالحجاب الاسلامي اللي الله امر فيه (( يعني المانطو او العباية وحجاب الراس )) وزيادة عليهن سنة الرسول (( غطاء الوجه كامل))وكمان من عندي ((ارتداء الكفوف ))
والله يقدر اللي فيه الخير
Evil or Very Mad

ههههههههههههههههههههههههههههه دون تعليق

(( غطاء الوجه كامل))

ما بعتقد أني قارئ أو سمعان حديث عن الرسول الكريم

عليه الصلاة والسلام..

بأنه المرأة لازم اتغطي وجهها كاملاً ؟

الرجاء أذا أمكن التوضيح ؟؟
...............................

والله يبعتلك يا أبو ملهم بنت حلال تسرّ قلبك وخاطرك

وتكون كما تُحب وترضى .

يا اخي يسر ولا تعسر الدين مانو كل هالتشدد يا لطيف شو هاد

courir

more7777777
اخي العزيز بشكر مرورك الكريم على صفحتي المتواضعة
وانت لفتت الانتباه لنقطة مهمة اللي هيي غطاء الوجه وبموضوع تاني في رد الي بيحكي عن هالشي
غطاء الوجه لم ياتي في اي حديث لرسول الله عليه الصلاة والسلام
لكن السنة ليست الحديث فقط والافعال ايضا فالسنن التي تلي الصلاة او ما بين الاوقات منها ما لم يرد في اي حديث لمجرد ان الرسول كان يصليها نحن نعيدها كسنة عن الرسول فالسنة هي اتباع الاقول والافعال عن الرسول عليه الصلاة والسلام
ونبينا الكريم قد امر نساؤه بتغطية الوجه (( صحيح انه امر نساؤه بتغطية الوجه كي لاتعمال نسؤه معاملة خاصة بين الرعية وليس للتستر الزائد فالوجه ليس بعورة لدى المرأة الا من كان بها فتنة )) ولكني ممن يستحبون ان تغطي الانثى وجهها وطلما انا اطلب عروسا للزواج فعلي انا ابين ما احب في الانثى وما اكره كي لاتفاجئ بيوم بشيء لاتعرفه عني
Evil or Very Mad

:evil
x_man2 more7777777
Evil or Very Mad

مشكورين جدا وبتمنالكن التوفيق والصحة والسعادة دمتم بخير

مشرفة عدد الرسائل : 1049 تاريخ التسجيل : 11/04/2008

يا سيد ابو ملهم انا رأيك بحترمه كتير

وكمان في شباب بتفكر هيك متلك

وفي بنات كمان بترضه بهيدا الشي

وانا ما عندي اي اعتراض على المواصفات ان كان مواصفاتك

او مواصفات شريكت حياتك

وانشالله بتلاقيها
وبتعيشو احلى عيشه

وبقول للشباب

انو مش مهم تكون البنت مغطايه او لاء المهم تكون هي راضية بهيدا الشي

وازا كنت بحب زوجي وبقدره ما بهمني بين غير عليه هو

المهم التوافق والحب والتفاهم الي بيجيبو حياة سعيدة

والباقي كل تنين حرين بين يعض

تحياتي الك تقبل مروري

زائر

أنا برأي أنو هاد تشدد كبير و ما بصير هالشي مو المهم اتكون شريكة حياتك لهدرجة مغطاة إذا كنت أنت واثق فيها و بأخلاقها الدين مو كل شي أساس العلاقة الزوجية الحب و التفاهم ,,,,و كمان في أنك كاتب مسلم سني هاد الشي ما بصير أنت عم تشجع الخلافات بين الطوائف إذا كنت مسلم فأنت مسلم و إذا كنت مسيحي فأنت مسيحي و لست مسلم سني أو شيعي أو.....الخ أو مسيحي كاثوليك أو روم أو.........الخ المهم أنو نحنا عرب و نحنا كلنا أخوة و ما بصير هيك شي يخالف بيناتنا متل ما عم يصير بالعراق هاد الشي حرام لأنو لا الله عز و جل ولا أي من رسله أمر بالطوائف هاد حرام و هي كلها خلافات بشرية و منازعات إنسانية..شكرا الك
تقبل مروري..................العراب

بسم الله الرحمن الرحيم

أولاً : أبو ملهم كلامك صح وطلبك بمحلو

فاظفر بذات الدين تربت يداك

والله سبحانه وتعالى يبعتلك بنت الحلال يللي تسر قلبك وتجبر بخاطرك يارب

وبالنسبة للعراب

انا من أكتر واح ضد مبدأ التفرقة الطائفية أنو انا سني وانت شيعي وواح تالت علوي

هاد بشكل عام

بس لا تنسى انو انت بقصر شريك / شريكة الحياة يعني لازم الإيضاح بكل شي

يعني أنا هلق مستعد أحكيلك قصة حقيقية وواقعية صارت مع رفيقي بالكويت

رفيقي من السويداء درزي لا سني ولا شيعي ولا علوي ... حب بنت شيعية لبنانية وضلوا فترة يحبوا بعض بس بالنهاية شو

لا أهل رفيقي وافقو على البنت ولا حتى أهل البنت وافقو على رفيقي ليش ؟؟؟

بسبب الطائفة يللي كل واحد منها

يعني الشيعة ما بيعطو الا للشيعة والدروز ما بيعطوا الا للدروز وووو .... الخ

تمام يا العراب

يعني ابو ملهم ما غلط أبداً وما كان قصدوا أي تفرقة طائفية وإنما كان قصدوا الإيضاح ليس إلا

وكمان نقطة مهمة كتير يا العراب

حديث عن رسول الله صلى الله عليه وسلم

تنكح المرأة لأربع لمالها ولجمالها ولنسبها ولدينها فاظفر بذات الدين تربت يداك ... صدق رسول الله صلى الله عليه وسلم .... تربت أي : سلمت

وانا رأيي من رأيك كل مين قال لا اله الا الله محمد رسول الله فهو مسلم

تقبلو رأيي بسعة صدر

تحياتي

عـــقـــ الـــعـــرب ـــاب

احييكم بتحية الاسلام جميعا واشكر تواجدكم على صفحتي
السلام عليكم ورحمة الله وبركاته
اخ عراب
انا ما قصدت تفرقة طائفية وانا بحترم اي دين او مذهب مشان يكون الي الحق انو افرض احترام مذهبي لازم احترم الكل
والاخ احمد وفا وكفا عني
بس يمكن انو انا بقدم عرض زواج وهاد شي لازم تكون شروطو واضحا بادق التفاصيل مشان اللي تقبل فيه تكون على دراية تامة بكل شي مطلوب منا ويكون الوقت قداما لتقدم طلبااتا هيي
وانا واقسم برب العزة انو على استعداد للزواج باللي بترضا بهالشروط هي وبتتوفر فيها الشروط ومو لاهي او متسلي ولا بقدم طلب والسلام
وبالنهاية
السلام عليكم ورحمة الله وبركاته

الله يوفقك ابو ملهم

كل انسان بيحلم بشريكه حياته وتكون بتناسبه
اغلبنا بيقول هاد تشدد بس في كتيييير بنات بعرفا قبلانه بهيك شي وعايشه احلى عيشه

بس بنفس الوقت الاهم من هاد كلو الاخلاق اللي مزينه روح البنت والدين المقتنعه فيه قبل ما تكون مغطايه او متشدده بالدين

الله يوفقك ويبعتلك على اد نيتك

الله يسلمك يارب وويفقك بحياتك انتي وكل الاصدقاء
وكونو هاد يومي الاخير هون
بتمنى انو نقفل عالموضوع واذا مر حدا من المشرفين لهون يلغيه فلو مرت الانسانة اللي ترضى بهالشروط انا ما رح كون موجود وصفي موضوعي بدون فائدة
اخت : سحر العيون
انا طلبت هالمواصفات لانو فعلا اللي بدا تعيش معي لازم تتقيد فين ومشان كون على بينة بس يبدو انو اجت نهاية مشواري قبل ما توصل الانسانة المرجوة
والسلام عليكم ورحمة الله وبركاته
لاتنسوا ذكر الله
لا تنسوني من صالح الدعاء

ابو ملهم بدي الك شي

الدنيا ما بتوقف عند شغله وحده خلي عندك الامل لا تيأس
لا حياه مع اليأس
ولو تعبت من هالدنيا الله بيعينك اصبر والله بيوفقك وبيعطيك اللي بتتمناه

تحياتي